Rom 15 | Ndebele | STEP | Kodwa thina esilamandla sifanele ukuthwala ubuthakathaka babangelamandla , njalo singazithokozisi thina.

1 Kodwa thina esilamandla ^a sifanele ukuthwala ubuthakathaka babangelamandla ^b, njalo singazithokozisi thina. 2 Ngoba ngulowo lalowo wethu kathokozise umakhelwane ^c kube kuhle ekumakheni ^d. 3 Ngoba laye uKristu kazithokozisanga yena ^e, kodwa, kunjengokulotshiweyo ukuthi: Ukuthuka kwabakuthukayo kwawela phezu kwami ^f. 4 Ngoba konke okwabhalwa ngaphambili ^g, kwabhalelwa ukufundiswa kwethu ^h, ukuze ngokubekezela langenduduzo yemibhalo sibe lethemba ⁱ. 5 Njalo uNkulunkulu wokubekezela lenduduzo kaliphe ukuthi libe nhliziyonye phakathi kwenu njengokukaKristu Jesu ^j; 6 ukuze nganhliziyonye ^k ngomlomo munye limdumise uNkulunkulu, ngitsho uYise weNkosi yethu uJesu Kristu ^l.

7 Ngakho yemukelanani, njengalokhu loKristu wasemukela ^m, kube ludumo lukaNkulunkulu ⁿ. 8 Njalo ngithi, uJesu Kristu waba yinceku yokusoka ^o ngenxa yeqiniso likaNkulunkulu ^p, ukuthi aqinise izithembiso zabobaba ^q; 9 lezizwe ^r zimdumise uNkulunkulu ngenxa yesihawu ^s; njengokulotshiweyo ukuthi: Ngakho ngizakuvuma phakathi kwezizwe, ngihubele ibizo lakho izibongo ^t. 10 Njalo futhi uthi: Thokozani, bezizwe, kanye labantu bakhe ^u. 11 Futhi-ke: Dumisani iNkosi lina bezizwe lonke; idumiseni-ke lina bantu bonke ^v. 12 Njalo futhi uIsaya uthi: Kuzakuba khona ^w impande kaJese, lophakamela ukubusa abezizwe; abezizwe bazathembela kuye. 13 Kungathi-ke uNkulunkulu wethemba angaligcwalisa ngentokozo yonke langokuthula ekukholweni, ukuze lengezwe ethembeni, ngamandla kaMoya oNgcwele ^x.

UPawuli uchasisa umsebenzi wakhe

14 Lami-ke ngokwami nganelisiwe ngani, bazalwane bami ^y, ukuthi lani ngokwenu ligcwele okuhle ^z, ligcwaliswe yikwazi konke ^aa, lilamandla-ke okwelulekana. 15 Kodwa, bazalwane, ngilibhalele ngesibindi esikhulu, nganxanye ^ab, njengolikhumbuzayo ^ac, ngenxa yomusa engiwuphiweyo nguNkulunkulu ^ad, 16 ukuze ngibe yisikhonzi sikaJesu Kristu kwabezizwe, ngikhonze ivangeli likaNkulunkulu ^ae, ukuze iminikelo yabezizwe ^af yemukeleke, kwenziwe kube ngcwele ngoMoya oNgcwele ^ag. 17 Ngakho ngilokuzincoma kuKristu Jesu ezintweni eziqondane loNkulunkulu ^ah; 18 ngoba kangiyikuba lesibindi sokukhuluma ulutho lwezinto uKristu angazenzanga ngami ^ai, ukuze kube khona ukulalela kwabezizwe ^aj, ngelizwi langesenzo, 19 ngamandla ezibonakaliso lezimangaliso, ngamandla kaMoya kaNkulunkulu; ngakho kusukela eJerusalema lendawo ezizingelezeleyo kuze kufike eIliriku ngitshumayele ivangeli likaKristu ngokupheleleyo ^ak; 20 ngokunjalo ngazama kakhulu ukutshumayela ivangeli, kungeyisikho lapho uKristu abizwe khona ^al, ukuze ngingakhi phezu kwesisekelo somunye ^am; 21 kodwa, njengokulotshiweyo ukuthi: Abangatshelwanga ngaye, bazabona, labangezwanga, bazaqedisisa ^an.

UPawuli ukhuluma ngokuya eRoma

22 Ngenxa yalokho futhi ngavinjelwa kanengi ukuza kini ^ao; 23 kodwa khathesi-ke lokhu ngingaselandawo kulezizabelo ^ap, futhi sekuyiminyaka eminengi ngilesifiso esikhulu sokuza kini ^aq, 24 ngokunjalo nxa ngizakuya eSpaniya, ngizakuza kini; ngoba ngithemba ukuthi ngizalibona ekudluleni, njalo ngiphelekezelwe yini khona ^ar, uba kuqala sengisuthisekile nganxanye ngilani ^as. 25 Kodwa khathesi-ke ngiya eJerusalema, ngikhonze abangcwele ^at. 26 Ngoba kwaba kuhle eMakedoniya ^{au
,} ^av leAkaya ^{aw
,} ^ax ukwenzela umnikelo othile abayanga kwabangcwele abaseJerusalema ^ay. 27 Ngoba kwaba kuhle kubo, njalo balomlandu kubo. Ngoba uba abezizwe behlanganyela labo ezintweni zabo zomoya ^az, balomlandu futhi wokubasebenzela ezintweni zenyama ^ba. 28 Ngakho nxa sengiqede lokhu, sengibaphawulele ^bb lesisithelo ^bc, ngizasuka ngiye eSpaniya ngidlule ngakini. 29 Ngiyazi-ke ukuthi nxa ngisiza kini ^bd ngizafika ekugcwaleni kwesibusiso sevangeli likaKristu ^be.

30 Ngiyalincenga-ke, bazalwane, ngayo iNkosi yethu uJesu Kristu, langothando lukaMoya, ukuthi lilwise kanye lami emikhulekweni kuNkulunkulu ngami ^bf; 31 ukuze ngophulwe kwabangakholwayo ^{▼▼ abangakholwayo: kumbe, abangalaleliyo.} eJudiya ^bh, njalo ukuze umsebenzi wami ongoweJerusalema wemukeleke kubo abangcwele ^bi; 32 ukuze ngentando kaNkulunkulu ^bj ngize kini ngentokozo, ngivuseleleke kanye lani ^bk. 33 Ngakho uNkulunkulu wokuthula kabe lani lonke. Ameni ^bl.